Öll borga

Móðurfélagið, aðildarféleög, landshlutafélög, sérhagsmunafélög og svæðisfélög.

Mér finnst þetta vera óþarflega flókin leið til þess að Píratar á Íslandi séu skyldugir til þess að láta aðildarfélög sín fá fjármuni til að geta starfað. Væri ekki hreinlegra að tillagan væri á þá leið að aðildarfélög eigi tilkall til fjármuna frá ríkinu eftir einhverri formúlu?

Mjög góð hugmynd. Eykur gegnsæi í bókhaldi aðildarfélaga og auðveldara verður að sjá sundurliðaða nýtingu á Tortúga.

Ég hefði viljað ganga ennþá lengra og skylda móðurfélagið til að greiða fyrir góða aðstöðu í hverjum landsfjórðungi. Við ættum á félagsheimili í hverjum fjórðungi og gætum geymt þar dýran fjarfunda- og streymisbúnað sem móðurfélagið fjárfesti í fyrir landið allt. En annars er þetta sanngjörn og góð tillaga. Það er samt spurning með útfærsluna: Hvernig er leigan í Tortúga? Hver ákveður upphæðina? Hvernig? Það má ekki vera málamyndagjörningur.

Í dag þurfa landsbyggðar Píratar og aðildarfélög þeirra að borga fyrir fundasali sem sogar til sín flest allt fjármagn þeirra. Á meðan Píratar á höfuðborgarsvæðinu geta fundað frítt í Tortúga. Ef aðildarfélög úti á landi þurfa að borga fyrir sína aðstöðu ættu þá Píratar á höfuðborgarsvæðinu ekki að borga fyrir sína aðstöðu í Tortúga.

Mér sýnist þetta bjóða uppá hringavitleysu þar sem t.d. PíR fengi peninga frá Pírötum sem það notar svo til að greiða Pírötum fyrir aðstöðu. Það á ekki að þurfa málamyndakúnstir til að taka tillit til ólíkrar aðstöðu aðildarfélaga. Ég vil líka vara við því að festa einhverjar upphæðir í lög, þar sem tekjur okkar eru fylgisbundnar og við vitum ekkert hvernig næstu kosningar gætu farið. Aðildarfélög ættu að fá fyrirframákveðna árlega upphæð frá móðurfélaginu, til að nýta eftir eigin hentugleik.

Ef við förum þá leið að hætta með sameiginlega yfirbyggingu (starfsfólk, húsnæði, o.fl.) að miklu leyti og skiptum fénu milli svæðisbundinna aðildarfélaga, þá væri þetta rökrétt framhald.